# Kalam-e-Wali (کلامِ ولی) — Selected poems of Wali Dakhni

Wali Muhammad Wali Dakhni · Urdu · 34 poems · 223 couplets

Source: https://ahleqalam.tech/library/wali-dakhni/kalam-e-wali (Ahl-e-Qalam library). Text from Urdu Wikisource (ur.wikisource.org), where Wali's poems are transcribed as public-domain works. Each couplet has its own page; cite that URL.

## ردیف الف — Ghazals — Radeef Alif

### یاد کرنا ہر گھڑی اس یار کا

https://ahleqalam.tech/library/wali-dakhni/kalam-e-wali/ghazal-alif/01

[1](https://ahleqalam.tech/library/wali-dakhni/kalam-e-wali/ghazal-alif/01/1)

یاد کرنا ہر گھڑی اس یار کا  
ہے وظیفہ مجھ دل بیمار کا  

[2](https://ahleqalam.tech/library/wali-dakhni/kalam-e-wali/ghazal-alif/01/2)

آرزوئے چشمۂ کوثر نئیں  
تشنہ لب ہوں شربت دیدار کا  

[3](https://ahleqalam.tech/library/wali-dakhni/kalam-e-wali/ghazal-alif/01/3)

عاقبت کیا ہووے گا معلوم نئیں  
دل ہوا ہے مبتلا دل دار کا  

[4](https://ahleqalam.tech/library/wali-dakhni/kalam-e-wali/ghazal-alif/01/4)

کیا کہے تعریف دل ہے بے نظیر  
حرف حرف اس مخزن اسرار کا  

[5](https://ahleqalam.tech/library/wali-dakhni/kalam-e-wali/ghazal-alif/01/5)

گر ہوا ہے طالب آزادگی  
بند مت ہو سبحہ و زنار کا  

[6](https://ahleqalam.tech/library/wali-dakhni/kalam-e-wali/ghazal-alif/01/6)

مسند گل منزل شبنم ہوئی  
دیکھ رتبہ دیدۂ بیدار کا  

[7](https://ahleqalam.tech/library/wali-dakhni/kalam-e-wali/ghazal-alif/01/7)

اے ولیؔ ہونا سریجن پر نثار  
مدعا ہے چشم گوہر بار کا  

### وہ نازنیں ادا میں اعجاز ہے سراپا

https://ahleqalam.tech/library/wali-dakhni/kalam-e-wali/ghazal-alif/02

[1](https://ahleqalam.tech/library/wali-dakhni/kalam-e-wali/ghazal-alif/02/1)

وہ نازنیں ادا میں اعجاز ہے سراپا  
خوبی میں گل رخاں سوں ممتاز ہے سراپا  

[2](https://ahleqalam.tech/library/wali-dakhni/kalam-e-wali/ghazal-alif/02/2)

اے شوخ تجھ نین میں دیکھا نگاہ کر کر  
عاشق کے مارنے کا انداز ہے سراپا  

[3](https://ahleqalam.tech/library/wali-dakhni/kalam-e-wali/ghazal-alif/02/3)

جگ کے ادا شناساں ہے جن کی فکر عالی  
تجھ قد کوں دیکھ بولے یو ناز ہے سراپا  

[4](https://ahleqalam.tech/library/wali-dakhni/kalam-e-wali/ghazal-alif/02/4)

کیوں ہو سکیں جگت کے دل بر ترے برابر  
تو حسن ہور ادا میں اعجاز ہے سراپا  

[5](https://ahleqalam.tech/library/wali-dakhni/kalam-e-wali/ghazal-alif/02/5)

گاہے اے عیسوی دم یک بات لطف سوں کر  
جاں بخش مجھ کو تیرا آواز ہے سراپا  

[6](https://ahleqalam.tech/library/wali-dakhni/kalam-e-wali/ghazal-alif/02/6)

مجھ پر ولیؔ ہمیشہ دل دار مہرباں ہے  
ہر چند حسب ظاہر طناز ہے سراپا  

### تجھ لب کی صفت لعل بدخشاں سوں کہوں گا

https://ahleqalam.tech/library/wali-dakhni/kalam-e-wali/ghazal-alif/03

[1](https://ahleqalam.tech/library/wali-dakhni/kalam-e-wali/ghazal-alif/03/1)

تجھ لب کی صفت لعل بدخشاں سوں کہوں گا  
جادو ہیں ترے نین غزالاں سوں کہوں گا  

[2](https://ahleqalam.tech/library/wali-dakhni/kalam-e-wali/ghazal-alif/03/2)

دی بادشہی حق نے تجھے حسن نگر کی  
یو کشور ایراں میں سلیماں سوں کہوں گا  

[3](https://ahleqalam.tech/library/wali-dakhni/kalam-e-wali/ghazal-alif/03/3)

تعریف ترے قد کی الف وار سریجن  
جا سرو گلستاں کوں خوش الحاں سوں کہوں گا  

[4](https://ahleqalam.tech/library/wali-dakhni/kalam-e-wali/ghazal-alif/03/4)

مجھ پر نہ کرو ظلم تم اے لیلی خوباں  
مجنوں ہوں ترے غم کوں بیاباں سوں کہوں گا  

[5](https://ahleqalam.tech/library/wali-dakhni/kalam-e-wali/ghazal-alif/03/5)

دیکھا ہوں تجھے خواب میں اے مایۂ خوبی  
اس خواب کو جا یوسف کنعاں سوں کہوں گا  

[6](https://ahleqalam.tech/library/wali-dakhni/kalam-e-wali/ghazal-alif/03/6)

جلتا ہوں شب و روز ترے غم میں اے ساجن  
یہ سوز ترا مشعل سوزاں سوں کہوں گا  

[7](https://ahleqalam.tech/library/wali-dakhni/kalam-e-wali/ghazal-alif/03/7)

یک نقطہ ترے صفحۂ رخ پر نئیں بے جا  
اس مکھ کو ترے صفحۂ قرآں سوں کہوں گا  

[8](https://ahleqalam.tech/library/wali-dakhni/kalam-e-wali/ghazal-alif/03/8)

قربان پری مکھ پہ ہوئی چوب سی جل کر  
یہ بات عجائب مہ تاباں سوں کہوں گا  

[9](https://ahleqalam.tech/library/wali-dakhni/kalam-e-wali/ghazal-alif/03/9)

بے صبر نہ ہو اے ولیؔ اس درد سوں ہرگز  
جلتا ہوں ترے درد میں درماں سوں کہوں گا  

### تخت جس بے خانماں کا دشت ویرانی ہوا

https://ahleqalam.tech/library/wali-dakhni/kalam-e-wali/ghazal-alif/04

[1](https://ahleqalam.tech/library/wali-dakhni/kalam-e-wali/ghazal-alif/04/1)

تخت جس بے خانماں کا دشت ویرانی ہوا  
سر اپر اس کے بگولا تاج سلطانی ہوا  

[2](https://ahleqalam.tech/library/wali-dakhni/kalam-e-wali/ghazal-alif/04/2)

کیوں نہ صافی اس کوں حاصل ہو جو مثل آرسی  
اپنے جوہر کی حیا سوں سر بسر پانی ہوا  

[3](https://ahleqalam.tech/library/wali-dakhni/kalam-e-wali/ghazal-alif/04/3)

زندگی ہے جس کوں دائم عالم باقی منیں  
جلوہ گر کب اس انگے یو عالم فانی ہوا  

[4](https://ahleqalam.tech/library/wali-dakhni/kalam-e-wali/ghazal-alif/04/4)

بیکسی کے حال میں یک آن میں تنہا نہیں  
غم ترا سینے میں میرے ہمدم جانی ہوا  

[5](https://ahleqalam.tech/library/wali-dakhni/kalam-e-wali/ghazal-alif/04/5)

اے ولیؔ غیرت سوں سورج کیوں جلے نئیں رات دن  
جگ منیں وو ماہ رشک ماہ کنعانی ہوا  

### شغل بہتر ہے عشق بازی کا

https://ahleqalam.tech/library/wali-dakhni/kalam-e-wali/ghazal-alif/05

[1](https://ahleqalam.tech/library/wali-dakhni/kalam-e-wali/ghazal-alif/05/1)

شغل بہتر ہے عشق بازی کا  
کیا حقیقی و کیا مجازی کا  

[2](https://ahleqalam.tech/library/wali-dakhni/kalam-e-wali/ghazal-alif/05/2)

ہر زباں پر ہے مثل شانہ مدام  
ذکر تجھ زلف کی درازی کا  

[3](https://ahleqalam.tech/library/wali-dakhni/kalam-e-wali/ghazal-alif/05/3)

آج تیری بھواں نے مسجد میں  
ہوش کھویا ہے ہر نمازی کا  

[4](https://ahleqalam.tech/library/wali-dakhni/kalam-e-wali/ghazal-alif/05/4)

گر نئیں راز عشق سوں آگاہ  
فخر بے جا ہے فخر رازی کا  

[5](https://ahleqalam.tech/library/wali-dakhni/kalam-e-wali/ghazal-alif/05/5)

اے ولیؔ سرو قد کو دیکھوں گا  
وقت آیا ہے سرفرازی کا  

### مت غصہ کے شعلے سوں جلتے کوں جلاتی جا

https://ahleqalam.tech/library/wali-dakhni/kalam-e-wali/ghazal-alif/06

[1](https://ahleqalam.tech/library/wali-dakhni/kalam-e-wali/ghazal-alif/06/1)

مت غصہ کے شعلے سوں جلتے کوں جلاتی جا  
ٹک مہر کے پانی سوں تو آگ بجھاتی جا  

[2](https://ahleqalam.tech/library/wali-dakhni/kalam-e-wali/ghazal-alif/06/2)

تجھ چال کی قیمت سوں دل نیں ہے مرا واقف  
اے مان بھری چنچل ٹک بھاؤ بتاتی جا  

[3](https://ahleqalam.tech/library/wali-dakhni/kalam-e-wali/ghazal-alif/06/3)

اس رات اندھاری میں مت بھول پڑوں تجھ سوں  
ٹک پاؤں کے جھانجھر کی جھنکار سناتی جا  

[4](https://ahleqalam.tech/library/wali-dakhni/kalam-e-wali/ghazal-alif/06/4)

مجھ دل کے کبوتر کوں باندھا ہے تری لٹ نے  
یہ کام دھرم کا ہے ٹک اس کو چھڑاتی جا  

[5](https://ahleqalam.tech/library/wali-dakhni/kalam-e-wali/ghazal-alif/06/5)

تجھ مکھ کی پرستش میں گئی عمر مری ساری  
اے بت کی پجن‌ ہاری ٹک اس کو پجاتی جا  

[6](https://ahleqalam.tech/library/wali-dakhni/kalam-e-wali/ghazal-alif/06/6)

تجھ عشق میں جل جل کر سب تن کوں کیا کاجل  
یہ روشنی افزا ہے انکھیا کو لگاتی جا  

[7](https://ahleqalam.tech/library/wali-dakhni/kalam-e-wali/ghazal-alif/06/7)

تجھ نیہ میں دل جل جل جوگی کی لیا صورت  
یک بار اسے موہن چھاتی سوں لگاتی جا  

[8](https://ahleqalam.tech/library/wali-dakhni/kalam-e-wali/ghazal-alif/06/8)

تجھ گھر کی طرف سندر آتا ہے ولیؔ دائم  
مشتاق درس کا ہے ٹک درس دکھاتی جا  

### جب تجھ عرق کے وصف میں جاری قلم ہوا

https://ahleqalam.tech/library/wali-dakhni/kalam-e-wali/ghazal-alif/07

[1](https://ahleqalam.tech/library/wali-dakhni/kalam-e-wali/ghazal-alif/07/1)

جب تجھ عرق کے وصف میں جاری قلم ہوا  
عالم میں اس کا ناؤں جواہر رقم ہوا  

[2](https://ahleqalam.tech/library/wali-dakhni/kalam-e-wali/ghazal-alif/07/2)

نقطے پہ تیرے خال کے باندھا ہے جن نے دل  
وو دائرہ میں عشق کے ثابت قدم ہوا  

[3](https://ahleqalam.tech/library/wali-dakhni/kalam-e-wali/ghazal-alif/07/3)

تجھ فطرت بلند کی خوبی کوں لکھ قلم  
مشہور جگ کے بیچ عطارد رقم ہوا  

[4](https://ahleqalam.tech/library/wali-dakhni/kalam-e-wali/ghazal-alif/07/4)

طاقت نہیں کہ حشر میں ہووے وو دادخواہ  
جس بے گنہ پہ تیری نگہ سوں ستم ہوا  

[5](https://ahleqalam.tech/library/wali-dakhni/kalam-e-wali/ghazal-alif/07/5)

بے منت شراب ہوں سر شار انبساط  
تجھ نین کا خیال مجھے جام جم ہوا  

[6](https://ahleqalam.tech/library/wali-dakhni/kalam-e-wali/ghazal-alif/07/6)

جن نے بیاں لکھا ہے مرے رنگ زرد کا  
اس کوں خطاب غیب سوں زریں رقم ہوا  

[7](https://ahleqalam.tech/library/wali-dakhni/kalam-e-wali/ghazal-alif/07/7)

شہرت ہوئی ہے جب سے ترے شعر کی ولیؔ  
مشتاق تجھ سخن کا عرب تا عجم ہوا  

### جب صنم کوں خیال باغ ہوا

https://ahleqalam.tech/library/wali-dakhni/kalam-e-wali/ghazal-alif/08

[1](https://ahleqalam.tech/library/wali-dakhni/kalam-e-wali/ghazal-alif/08/1)

جب صنم کوں خیال باغ ہوا  
طالب نشۂ فراغ ہوا  

[2](https://ahleqalam.tech/library/wali-dakhni/kalam-e-wali/ghazal-alif/08/2)

فوج عشاق دیکھ ہر جانب  
نازنیں صاحب دماغ ہوا  

[3](https://ahleqalam.tech/library/wali-dakhni/kalam-e-wali/ghazal-alif/08/3)

رشک سوں تجھ لباں کی سرخی پر  
جگر لالہ داغ داغ ہوا  

[4](https://ahleqalam.tech/library/wali-dakhni/kalam-e-wali/ghazal-alif/08/4)

دل عشاق کیوں نہ ہو روشن  
جب خیال صنم چراغ ہوا  

[5](https://ahleqalam.tech/library/wali-dakhni/kalam-e-wali/ghazal-alif/08/5)

اے ولیؔ گل بدن کوں باغ میں دیکھ  
دل صد چاک باغ باغ ہوا  

### دیکھنا ہر صبح تجھ رخسار کا

https://ahleqalam.tech/library/wali-dakhni/kalam-e-wali/ghazal-alif/09

[1](https://ahleqalam.tech/library/wali-dakhni/kalam-e-wali/ghazal-alif/09/1)

دیکھنا ہر صبح تجھ رخسار کا  
ہے مطالعہ مطلع انوار کا  

[2](https://ahleqalam.tech/library/wali-dakhni/kalam-e-wali/ghazal-alif/09/2)

بلبل و پروانہ کرنا دل کے تئیں  
کام ہے تجھ چہرۂ گل نار کا  

[3](https://ahleqalam.tech/library/wali-dakhni/kalam-e-wali/ghazal-alif/09/3)

صبح تیرا درس پایا تھا صنم  
شوق دل محتاج ہے تکرار کا  

[4](https://ahleqalam.tech/library/wali-dakhni/kalam-e-wali/ghazal-alif/09/4)

ماہ کے سینے اپر اے شمع رو  
داغ ہے تجھ حسن کی جھلکار کا  

[5](https://ahleqalam.tech/library/wali-dakhni/kalam-e-wali/ghazal-alif/09/5)

دل کوں دیتا ہے ہمارے پیچ و تاب  
پیچ تیرے طرۂ طرار کا  

[6](https://ahleqalam.tech/library/wali-dakhni/kalam-e-wali/ghazal-alif/09/6)

جو سنیا تیرے دہن سوں یک بچن  
بھید پایا نسخۂ اسرار کا  

[7](https://ahleqalam.tech/library/wali-dakhni/kalam-e-wali/ghazal-alif/09/7)

چاہتا ہے اس جہاں میں گر بہشت  
جا تماشا دیکھ اس رخسار کا  

[8](https://ahleqalam.tech/library/wali-dakhni/kalam-e-wali/ghazal-alif/09/8)

آرسی کے ہاتھ سوں ڈرتا ہے خط  
چور کوں ہے خوف چوکیدار کا  

[9](https://ahleqalam.tech/library/wali-dakhni/kalam-e-wali/ghazal-alif/09/9)

سرکشی آتش مزاجی ہے سبب  
ناصحوں کو گرمئ بازار کا  

[10](https://ahleqalam.tech/library/wali-dakhni/kalam-e-wali/ghazal-alif/09/10)

اے ولیؔ کیوں سن سکے ناصح کی بات  
جو دوانا ہے پری رخسار کا  

## ردیف ن — Ghazals — Radeef Noon

### میں عاشقی میں تب سوں افسانہ ہو رہا ہوں

https://ahleqalam.tech/library/wali-dakhni/kalam-e-wali/ghazal-noon/01

[1](https://ahleqalam.tech/library/wali-dakhni/kalam-e-wali/ghazal-noon/01/1)

میں عاشقی میں تب سوں افسانہ ہو رہا ہوں  
تیری نگہ کا جب سوں دیوانہ ہو رہا ہوں  

[2](https://ahleqalam.tech/library/wali-dakhni/kalam-e-wali/ghazal-noon/01/2)

اے آشنا کرم سوں یک بار آ درس دے  
تجھ باج سب جہاں سوں بیگانہ ہو رہا ہوں  

[3](https://ahleqalam.tech/library/wali-dakhni/kalam-e-wali/ghazal-noon/01/3)

باتاں لگن کی مت پوچھ اے شمع بزم خوبی  
مدت سے تجھ جھلک کا پروانہ ہو رہا ہوں  

[4](https://ahleqalam.tech/library/wali-dakhni/kalam-e-wali/ghazal-noon/01/4)

شاید وو گنج خوبی آوے کسی طرف سوں  
اس واسطے سراپا ویرانہ ہو رہا ہوں  

[5](https://ahleqalam.tech/library/wali-dakhni/kalam-e-wali/ghazal-noon/01/5)

سودائے زلف خوباں رکھتا ہوں دل میں دائم  
زنجیر عاشقی کا دیوانہ ہو رہا ہوں  

[6](https://ahleqalam.tech/library/wali-dakhni/kalam-e-wali/ghazal-noon/01/6)

برجا ہے گر سنوں نئیں ناصح تری نصیحت  
میں جام عشق پی کر مستانہ ہو رہا ہوں  

[7](https://ahleqalam.tech/library/wali-dakhni/kalam-e-wali/ghazal-noon/01/7)

کس سوں ولیؔ اپس کا احوال جا کہوں میں  
سر تا قدم میں غم سوں غم خانہ ہو رہا ہوں  

### خوب رو خوب کام کرتے ہیں

https://ahleqalam.tech/library/wali-dakhni/kalam-e-wali/ghazal-noon/02

[1](https://ahleqalam.tech/library/wali-dakhni/kalam-e-wali/ghazal-noon/02/1)

خوب رو خوب کام کرتے ہیں  
یک نگہ میں غلام کرتے ہیں  

[2](https://ahleqalam.tech/library/wali-dakhni/kalam-e-wali/ghazal-noon/02/2)

دیکھ خوباں کوں وقت ملنے کے  
کس ادا سوں سلام کرتے ہیں  

[3](https://ahleqalam.tech/library/wali-dakhni/kalam-e-wali/ghazal-noon/02/3)

کیا وفادار ہیں کہ ملنے میں  
دل سوں سب رام رام کرتے ہیں  

[4](https://ahleqalam.tech/library/wali-dakhni/kalam-e-wali/ghazal-noon/02/4)

کم نگاہی سوں دیکھتے ہیں ولے  
کام اپنا تمام کرتے ہیں  

[5](https://ahleqalam.tech/library/wali-dakhni/kalam-e-wali/ghazal-noon/02/5)

کھولتے ہیں جب اپنی زلفاں کوں  
صبح عاشق کوں شام کرتے ہیں  

[6](https://ahleqalam.tech/library/wali-dakhni/kalam-e-wali/ghazal-noon/02/6)

صاحب لفظ اس کوں کہہ سکیے  
جس سوں خوباں کلام کرتے ہیں  

[7](https://ahleqalam.tech/library/wali-dakhni/kalam-e-wali/ghazal-noon/02/7)

دل لجاتے ہیں اے ولیؔ میرا  
سرو قد جب خرام کرتے ہیں  

### دل ہوا ہے مرا خراب‌ سخن

https://ahleqalam.tech/library/wali-dakhni/kalam-e-wali/ghazal-noon/03

[1](https://ahleqalam.tech/library/wali-dakhni/kalam-e-wali/ghazal-noon/03/1)

دل ہوا ہے مرا خراب‌ سخن  
دیکھ کر حسن بے حجاب سخن  

[2](https://ahleqalam.tech/library/wali-dakhni/kalam-e-wali/ghazal-noon/03/2)

بزم معنی میں سر خوشی ہے اسے  
جس کوں ہے نشۂ شراب سخن  

[3](https://ahleqalam.tech/library/wali-dakhni/kalam-e-wali/ghazal-noon/03/3)

راہ مضمون تازہ بند نہیں  
تا قیامت کھلا ہے باب سخن  

[4](https://ahleqalam.tech/library/wali-dakhni/kalam-e-wali/ghazal-noon/03/4)

جلوہ پیرا ہو شاہد معنی  
جب زباں سوں اٹھے نقاب سخن  

[5](https://ahleqalam.tech/library/wali-dakhni/kalam-e-wali/ghazal-noon/03/5)

گوہر اس کی نظر میں جا نہ کرے  
جن نے دیکھا ہے آب و تاب سخن  

[6](https://ahleqalam.tech/library/wali-dakhni/kalam-e-wali/ghazal-noon/03/6)

ہرجا‌ گویاں کی بات کیونکہ سنے  
جو سنا نغمۂ رباب سخن  

[7](https://ahleqalam.tech/library/wali-dakhni/kalam-e-wali/ghazal-noon/03/7)

ہے تری بات اے نزاکت فہم  
لوح دیباچۂ کتاب سخن  

[8](https://ahleqalam.tech/library/wali-dakhni/kalam-e-wali/ghazal-noon/03/8)

ہے سخن جگ منیں عدیم المثال  
جز سخن نیں دجا جواب سخن  

[9](https://ahleqalam.tech/library/wali-dakhni/kalam-e-wali/ghazal-noon/03/9)

اے ولیؔ درد سر کبھو نہ رہے  
جب ملے صندل و گلاب سخن  

### چھپا ہوں میں صدائے بانسلی میں

https://ahleqalam.tech/library/wali-dakhni/kalam-e-wali/ghazal-noon/04

[1](https://ahleqalam.tech/library/wali-dakhni/kalam-e-wali/ghazal-noon/04/1)

چھپا ہوں میں صدائے بانسلی میں  
کہ تا جاؤں پری رو کی گلی میں  

[2](https://ahleqalam.tech/library/wali-dakhni/kalam-e-wali/ghazal-noon/04/2)

نہ تھی طاقت مجھے آنے کی لیکن  
بزور آہ پہنچا تجھ گلی میں  

[3](https://ahleqalam.tech/library/wali-dakhni/kalam-e-wali/ghazal-noon/04/3)

عیاں ہے رنگ کی شوخی سوں اے شوخ  
بدن تیرا قبائے صندلی میں  

[4](https://ahleqalam.tech/library/wali-dakhni/kalam-e-wali/ghazal-noon/04/4)

جو ہے تیرے دہن میں رنگ و خوبی  
کہاں یہ رنگ یہ خوبی کلی میں  

[5](https://ahleqalam.tech/library/wali-dakhni/kalam-e-wali/ghazal-noon/04/5)

کیا جیوں لفظ میں معنی سریجن  
مقام اپنا دل و جان ولیؔ میں  

### بھڑکے ہے دل کی آتش تجھ نیہ کی ہوا سوں

https://ahleqalam.tech/library/wali-dakhni/kalam-e-wali/ghazal-noon/05

[1](https://ahleqalam.tech/library/wali-dakhni/kalam-e-wali/ghazal-noon/05/1)

بھڑکے ہے دل کی آتش تجھ نیہ کی ہوا سوں  
شعلہ نمط جلا دل تجھ حسن شعلہ زا سوں  

[2](https://ahleqalam.tech/library/wali-dakhni/kalam-e-wali/ghazal-noon/05/2)

گل کے چراغ گل ہو یک بار جھڑ پڑیں سب  
مجھ آہ کی حکایت بولیں اگر صبا سوں  

[3](https://ahleqalam.tech/library/wali-dakhni/kalam-e-wali/ghazal-noon/05/3)

نکلی ہے جست کر کر ہر سنگ دل سوں آتش  
چقماق جب پلک کی جھاڑا ہے توں ادا سوں  

[4](https://ahleqalam.tech/library/wali-dakhni/kalam-e-wali/ghazal-noon/05/4)

سجدہ بدل رکھے سر سر تا قدم عرق ہو  
تجھ با حیا کے پگ پر آ کر حنا حیا سوں  

[5](https://ahleqalam.tech/library/wali-dakhni/kalam-e-wali/ghazal-noon/05/5)

یاں درد ہے پرم کا بیہودہ سر کہے مت  
یہ بات سن ولیؔ کی جا کر کہو دوا سوں  

### عاشق کے مکھ پہ نین کے پانی کو دیکھ توں

https://ahleqalam.tech/library/wali-dakhni/kalam-e-wali/ghazal-noon/06

[1](https://ahleqalam.tech/library/wali-dakhni/kalam-e-wali/ghazal-noon/06/1)

عاشق کے مکھ پہ نین کے پانی کو دیکھ توں  
اس آرسی میں راز نہانی کوں دیکھ توں  

[2](https://ahleqalam.tech/library/wali-dakhni/kalam-e-wali/ghazal-noon/06/2)

سن بے قرار دل کی اول آہ شعلہ خیز  
تب اس حرف میں دل کے معانی کوں دیکھ توں  

[3](https://ahleqalam.tech/library/wali-dakhni/kalam-e-wali/ghazal-noon/06/3)

خوبی سوں تجھ حضور و شمع دم زنی میں ہے  
اس بے حیا کی چرب زبانی کوں دیکھ توں  

[4](https://ahleqalam.tech/library/wali-dakhni/kalam-e-wali/ghazal-noon/06/4)

دریا پہ جا کے موج رواں پر نظر نہ کر  
انجھواں کی میرے آ کے روانی کوں دیکھ توں  

[5](https://ahleqalam.tech/library/wali-dakhni/kalam-e-wali/ghazal-noon/06/5)

تجھ شوق کا جو داغ ولیؔ کے جگر میں ہے  
بے طاقتی میں اس کی نشانی کوں دیکھ توں  

## ردیف و — Ghazals — Radeef Wao

### صحبت غیر موں جایا نہ کرو

https://ahleqalam.tech/library/wali-dakhni/kalam-e-wali/ghazal-wao/01

[1](https://ahleqalam.tech/library/wali-dakhni/kalam-e-wali/ghazal-wao/01/1)

صحبت غیر موں جایا نہ کرو  
درد منداں کوں کڑھایا نہ کرو  

[2](https://ahleqalam.tech/library/wali-dakhni/kalam-e-wali/ghazal-wao/01/2)

حق پرستی کا اگر دعویٰ ہے  
بے گناہاں کوں ستایا نہ کرو  

[3](https://ahleqalam.tech/library/wali-dakhni/kalam-e-wali/ghazal-wao/01/3)

اپنی خوبی کے اگر طالب ہو  
اپنے طالب کوں جلایا نہ کرو  

[4](https://ahleqalam.tech/library/wali-dakhni/kalam-e-wali/ghazal-wao/01/4)

ہے اگر خاطر عشاق عزیز  
غیر کوں درس دکھایا نہ کرو  

[5](https://ahleqalam.tech/library/wali-dakhni/kalam-e-wali/ghazal-wao/01/5)

مجھ کو ترشی کا ہے پرہیز صنم  
چین ابرو کوں دکھایا نہ کرو  

[6](https://ahleqalam.tech/library/wali-dakhni/kalam-e-wali/ghazal-wao/01/6)

دل کوں ہوتی ہے سجن، بیتابی  
زلف کوں ہاتھ لگایا نہ کرو  

[7](https://ahleqalam.tech/library/wali-dakhni/kalam-e-wali/ghazal-wao/01/7)

نگہ تلخ سوں اپنی ظالم  
زہر کا جام پلایا نہ کرو  

[8](https://ahleqalam.tech/library/wali-dakhni/kalam-e-wali/ghazal-wao/01/8)

ہم کوں برداشت نہیں غصے کی  
بے سبب غصے میں آیا نہ کرو  

[9](https://ahleqalam.tech/library/wali-dakhni/kalam-e-wali/ghazal-wao/01/9)

پاک بازاں میں ہے مشہور ولیؔ  
اس سوں چہرے کوں چھپایا نہ کرو  

## ردیف ہ — Ghazals — Radeef He

### کیا مجھ عشق نے ظالم کوں آب آہستہ آہستہ

https://ahleqalam.tech/library/wali-dakhni/kalam-e-wali/ghazal-he/01

[1](https://ahleqalam.tech/library/wali-dakhni/kalam-e-wali/ghazal-he/01/1)

کیا مجھ عشق نے ظالم کوں آب آہستہ آہستہ  
کہ آتش گل کوں کرتی ہے گلاب آہستہ آہستہ  

[2](https://ahleqalam.tech/library/wali-dakhni/kalam-e-wali/ghazal-he/01/2)

وفاداری نے دل بر کی بجھایا آتش غم کوں  
کہ گرمی دفع کرتا ہے گلاب آہستہ آہستہ  

[3](https://ahleqalam.tech/library/wali-dakhni/kalam-e-wali/ghazal-he/01/3)

عجب کچھ لطف رکھتا ہے شب خلوت میں گل رو سوں  
خطاب آہستہ آہستہ جواب آہستہ آہستہ  

[4](https://ahleqalam.tech/library/wali-dakhni/kalam-e-wali/ghazal-he/01/4)

مرے دل کوں کیا بے خود تری انکھیاں نے آخر کوں  
کہ جیوں بے ہوش کرتی ہے شراب آہستہ آہستہ  

[5](https://ahleqalam.tech/library/wali-dakhni/kalam-e-wali/ghazal-he/01/5)

ہوا تجھ عشق سوں اے آتشیں رو دل مرا پانی  
کہ جیوں گلتا ہے آتش سوں گلاب آہستہ آہستہ  

[6](https://ahleqalam.tech/library/wali-dakhni/kalam-e-wali/ghazal-he/01/6)

ادا و ناز سوں آتا ہے وو روشن جبیں گھر سوں  
کہ جیوں مشرق سوں نکلے آفتاب آہستہ آہستہ  

[7](https://ahleqalam.tech/library/wali-dakhni/kalam-e-wali/ghazal-he/01/7)

ولیؔ مجھ دل میں آتا ہے خیال یار بے پروا  
کہ جیوں انکھیاں منیں آتا ہے خواب آہستہ آہستہ  

### سجن ٹک ناز سوں مجھ پاس آ آہستہ آہستہ

https://ahleqalam.tech/library/wali-dakhni/kalam-e-wali/ghazal-he/02

[1](https://ahleqalam.tech/library/wali-dakhni/kalam-e-wali/ghazal-he/02/1)

سجن ٹک ناز سوں مجھ پاس آ آہستہ آہستہ  
چھپی باتیں اپس دل کی سنا آہستہ آہستہ  

[2](https://ahleqalam.tech/library/wali-dakhni/kalam-e-wali/ghazal-he/02/2)

غرض گویاں کی باتاں کوں نہ لا خاطر منیں ہرگز  
سجن اس بات کوں خاطر میں لا آہستہ آہستہ  

[3](https://ahleqalam.tech/library/wali-dakhni/kalam-e-wali/ghazal-he/02/3)

ہر اک کی بات سننے پر توجہ مت کر اے ظالم  
رقیباں اس سیں ہوئیں گے جدا آہستہ آہستہ  

[4](https://ahleqalam.tech/library/wali-dakhni/kalam-e-wali/ghazal-he/02/4)

مبادا محتسب بدمست سن کر تان میں آوے  
طنبورہ آہ کا اے دل بجا آہستہ آہستہ  

[5](https://ahleqalam.tech/library/wali-dakhni/kalam-e-wali/ghazal-he/02/5)

ولیؔ ہرگز اپس کے دل کوں سینے میں نہ رکھ غمگیں  
کہ بر لاوے گا مطلب کوں خدا آہستہ آہستہ  

### ہوئے ہیں رام پیتم کے نین آہستہ آہستہ

https://ahleqalam.tech/library/wali-dakhni/kalam-e-wali/ghazal-he/03

[1](https://ahleqalam.tech/library/wali-dakhni/kalam-e-wali/ghazal-he/03/1)

ہوئے ہیں رام پیتم کے نین آہستہ آہستہ  
کہ جیوں پھاندے میں آتے ہیں ہرن آہستہ آہستہ  

[2](https://ahleqalam.tech/library/wali-dakhni/kalam-e-wali/ghazal-he/03/2)

مرا دل مثل پروانے کے تھا مشتاق جلنے کا  
لگی اس شمع سوں آخر لگن آہستہ آہستہ  

[3](https://ahleqalam.tech/library/wali-dakhni/kalam-e-wali/ghazal-he/03/3)

گریباں صبر کا مت چاک کر اے خاطر مسکیں  
سنے گا بات وو شیریں بچن آہستہ آہستہ  

[4](https://ahleqalam.tech/library/wali-dakhni/kalam-e-wali/ghazal-he/03/4)

گل و بلبل کا گلشن میں خلل ہووے تو برجا ہے  
چمن میں جب چلے وو گل بدن آہستہ آہستہ  

[5](https://ahleqalam.tech/library/wali-dakhni/kalam-e-wali/ghazal-he/03/5)

ولیؔ سینے میں میرے پنجۂ عشق ستم گر نے  
کیا ہے چاک دل کا پیرہن آہستہ آہستہ  

### ہوا ظاہر خط روئے نگار آہستہ آہستہ

https://ahleqalam.tech/library/wali-dakhni/kalam-e-wali/ghazal-he/04

[1](https://ahleqalam.tech/library/wali-dakhni/kalam-e-wali/ghazal-he/04/1)

ہوا ظاہر خط روئے نگار آہستہ آہستہ  
کہ جیوں گلشن میں آتی ہے بہار آہستہ آہستہ  

[2](https://ahleqalam.tech/library/wali-dakhni/kalam-e-wali/ghazal-he/04/2)

کیا ہوں رفتہ رفتہ رام اس کی چشم وحشی کوں  
کہ جیوں آہو کوں کرتے ہیں شکار آہستہ آہستہ  

[3](https://ahleqalam.tech/library/wali-dakhni/kalam-e-wali/ghazal-he/04/3)

جو اپنے تن کوں مثل جوئبار اول کیا پانی  
ہوا اس سرو قد سوں ہم کنار آہستہ آہستہ  

[4](https://ahleqalam.tech/library/wali-dakhni/kalam-e-wali/ghazal-he/04/4)

برنگ قطرۂ سیماب میرے دل کی جنبش سوں  
ہوا ہے دل صنم کا بے قرار آہستہ آہستہ  

[5](https://ahleqalam.tech/library/wali-dakhni/kalam-e-wali/ghazal-he/04/5)

اسے کہنا بجا ہے عشق کے گل زار کا بلبل  
جو گل رویاں میں پایا اعتبار آہستہ آہستہ  

[6](https://ahleqalam.tech/library/wali-dakhni/kalam-e-wali/ghazal-he/04/6)

مرا دل اشک ہو پہنچا ہے کوچے میں سریجن کے  
گیا کعبے میں یہ کشتی سوار آہستہ آہستہ  

[7](https://ahleqalam.tech/library/wali-dakhni/kalam-e-wali/ghazal-he/04/7)

ولیؔ مت حاسداں کی بات سوں دل کوں مکدر کر  
کہ آخر دل سوں جاوے گا غبار آہستہ آہستہ  

### آج دستا ہے حال کچھ کا کچھ

https://ahleqalam.tech/library/wali-dakhni/kalam-e-wali/ghazal-he/05

[1](https://ahleqalam.tech/library/wali-dakhni/kalam-e-wali/ghazal-he/05/1)

آج دستا ہے حال کچھ کا کچھ  
کیوں نہ گزرے خیال کچھ کا کچھ  

[2](https://ahleqalam.tech/library/wali-dakhni/kalam-e-wali/ghazal-he/05/2)

دل بے دل کوں آج کرتی ہے  
شوخ چنچل کی چال کچھ کا کچھ  

[3](https://ahleqalam.tech/library/wali-dakhni/kalam-e-wali/ghazal-he/05/3)

مجکو لگتا ہے اے پری پیکر  
آج تیرا جمال کچھ کا کچھ  

[4](https://ahleqalam.tech/library/wali-dakhni/kalam-e-wali/ghazal-he/05/4)

اثر بادۂ جوانی ہے  
کر گیا ہوں سوال کچھ کا کچھ  

[5](https://ahleqalam.tech/library/wali-dakhni/kalam-e-wali/ghazal-he/05/5)

اے ولیؔ دل کوں آج کرتی ہے  
بوئے باغ وصال کچھ کا کچھ  

## ردیف ے — Ghazals — Radeef Bari Ye

### مفلسی سب بہار کھوتی ہے

https://ahleqalam.tech/library/wali-dakhni/kalam-e-wali/ghazal-bari-ye/01

[1](https://ahleqalam.tech/library/wali-dakhni/kalam-e-wali/ghazal-bari-ye/01/1)

مفلسی سب بہار کھوتی ہے  
مرد کا اعتبار کھوتی ہے  

[2](https://ahleqalam.tech/library/wali-dakhni/kalam-e-wali/ghazal-bari-ye/01/2)

کیونکے حاصل ہو مج کو جمعیت  
زلف تیری قرار کھوتی ہے  

[3](https://ahleqalam.tech/library/wali-dakhni/kalam-e-wali/ghazal-bari-ye/01/3)

ہر سحر شوخ کی نگہ کی شراب  
مجھ انکھاں کا خمار کھوتی ہے  

[4](https://ahleqalam.tech/library/wali-dakhni/kalam-e-wali/ghazal-bari-ye/01/4)

کیونکے ملنا صنم کا ترک کروں  
دلبری اختیار کھوتی ہے  

[5](https://ahleqalam.tech/library/wali-dakhni/kalam-e-wali/ghazal-bari-ye/01/5)

اے ولیؔ آب اس پری رو کی  
مجھ سنے کا غبار کھوتی ہے  

### جسے عشق کا تیر کاری لگے

https://ahleqalam.tech/library/wali-dakhni/kalam-e-wali/ghazal-bari-ye/02

[1](https://ahleqalam.tech/library/wali-dakhni/kalam-e-wali/ghazal-bari-ye/02/1)

جسے عشق کا تیر کاری لگے  
اسے زندگی کیوں نہ بھاری لگے  

[2](https://ahleqalam.tech/library/wali-dakhni/kalam-e-wali/ghazal-bari-ye/02/2)

نہ چھوڑے محبت دم مرگ تک  
جسے یار جانی سوں یاری لگے  

[3](https://ahleqalam.tech/library/wali-dakhni/kalam-e-wali/ghazal-bari-ye/02/3)

نہ ہووے اسے جگ میں ہرگز قرار  
جسے عشق کی بے قراری لگے  

[4](https://ahleqalam.tech/library/wali-dakhni/kalam-e-wali/ghazal-bari-ye/02/4)

ہر اک وقت مجھ عاشق پاک کوں  
پیارے تری بات پیاری لگے  

[5](https://ahleqalam.tech/library/wali-dakhni/kalam-e-wali/ghazal-bari-ye/02/5)

ولیؔ کوں کہے تو اگر یک بچن  
رقیباں کے دل میں کٹاری لگے  

### ترا مجنوں ہوں صحرا کی قسم ہے

https://ahleqalam.tech/library/wali-dakhni/kalam-e-wali/ghazal-bari-ye/03

[1](https://ahleqalam.tech/library/wali-dakhni/kalam-e-wali/ghazal-bari-ye/03/1)

ترا مجنوں ہوں صحرا کی قسم ہے  
طلب میں ہوں تمنا کی قسم ہے  

[2](https://ahleqalam.tech/library/wali-dakhni/kalam-e-wali/ghazal-bari-ye/03/2)

سراپا ناز ہے تو اے پری رو  
مجھے تیرے سراپا کی قسم ہے  

[3](https://ahleqalam.tech/library/wali-dakhni/kalam-e-wali/ghazal-bari-ye/03/3)

دیا حق حسن بالا دست تجکوں  
مجھے تجھ سرو بالا کی قسم ہے  

[4](https://ahleqalam.tech/library/wali-dakhni/kalam-e-wali/ghazal-bari-ye/03/4)

کیا تجھ زلف نے جگ کوں دوانا  
تری زلفاں کے سودا کی قسم ہے  

[5](https://ahleqalam.tech/library/wali-dakhni/kalam-e-wali/ghazal-bari-ye/03/5)

دو رنگی ترک کر ہر اک سے مت مل  
تجھے تجھ قد رعنا کی قسم ہے  

[6](https://ahleqalam.tech/library/wali-dakhni/kalam-e-wali/ghazal-bari-ye/03/6)

کیا تجھ عشق نے عالم کوں مجنوں  
مجھے تجھ رشک لیلیٰ کی قسم ہے  

[7](https://ahleqalam.tech/library/wali-dakhni/kalam-e-wali/ghazal-bari-ye/03/7)

ولیؔ مشتاق ہے تیری نگہ کا  
مجھے تجھ چشم شہلا کی قسم ہے  

### ترا لب دیکھ حیواں یاد آوے

https://ahleqalam.tech/library/wali-dakhni/kalam-e-wali/ghazal-bari-ye/04

[1](https://ahleqalam.tech/library/wali-dakhni/kalam-e-wali/ghazal-bari-ye/04/1)

ترا لب دیکھ حیواں یاد آوے  
ترا مکھ دیکھ کنعاں یاد آوے  

[2](https://ahleqalam.tech/library/wali-dakhni/kalam-e-wali/ghazal-bari-ye/04/2)

ترے دو نین جب دیکھوں نظر بھر  
مجھے تب نرگسستاں یاد آوے  

[3](https://ahleqalam.tech/library/wali-dakhni/kalam-e-wali/ghazal-bari-ye/04/3)

تری زلفاں کی طولانی کوں دیکھے  
مجھے لیل زمستاں یاد آوے  

[4](https://ahleqalam.tech/library/wali-dakhni/kalam-e-wali/ghazal-bari-ye/04/4)

ترے خط کا زمرد رنگ دیکھے  
بہار سنبلستاں یاد آوے  

[5](https://ahleqalam.tech/library/wali-dakhni/kalam-e-wali/ghazal-bari-ye/04/5)

ترے مکھ کے چمن کے دیکھنے سوں  
مجھے فردوس رضواں یاد آوے  

[6](https://ahleqalam.tech/library/wali-dakhni/kalam-e-wali/ghazal-bari-ye/04/6)

تری زلفاں میں یو مکھ جو کہ دیکھے  
اسے شمع شبستاں یاد آوے  

[7](https://ahleqalam.tech/library/wali-dakhni/kalam-e-wali/ghazal-bari-ye/04/7)

جو کوئی دیکھے مری انکھیاں کو روتے  
اسے ابر بہاراں یاد آوے  

[8](https://ahleqalam.tech/library/wali-dakhni/kalam-e-wali/ghazal-bari-ye/04/8)

جو میرے حال کی گردش کوں دیکھے  
اسے گرداب گرداں یاد آوے  

[9](https://ahleqalam.tech/library/wali-dakhni/kalam-e-wali/ghazal-bari-ye/04/9)

ولیؔ میرا جنوں جو کوئی کہ دیکھے  
اسے کوہ و بیاباں یاد آوے  

### مشتاق ہیں عشاق تری بانکی ادا کے

https://ahleqalam.tech/library/wali-dakhni/kalam-e-wali/ghazal-bari-ye/05

[1](https://ahleqalam.tech/library/wali-dakhni/kalam-e-wali/ghazal-bari-ye/05/1)

مشتاق ہیں عشاق تری بانکی ادا کے  
زخمی ہیں محباں تری شمشیر جفا کے  

[2](https://ahleqalam.tech/library/wali-dakhni/kalam-e-wali/ghazal-bari-ye/05/2)

ہر پیچ میں چیرے کے ترے لپٹے ہیں عاشق  
عالم کے دلاں بند ہیں تجھ بند قبا کے  

[3](https://ahleqalam.tech/library/wali-dakhni/kalam-e-wali/ghazal-bari-ye/05/3)

لرزاں ہے ترے دست اگے پنجۂ خورشید  
تجھ حسن اگے مات ملائک ہیں سما کے  

[4](https://ahleqalam.tech/library/wali-dakhni/kalam-e-wali/ghazal-bari-ye/05/4)

تجھ زلف کے حلقے میں ہے دل بے سر و بے پا  
ٹک مہر کرو حال اپر بے سر و پا کے  

[5](https://ahleqalam.tech/library/wali-dakhni/kalam-e-wali/ghazal-bari-ye/05/5)

تنہا نہ ولیؔ جگ منیں لکھتا ہے ترے وصف  
دفتر لکھے عالم نے تری مدح و ثنا کے  

### کمر اس دل ربا کی دل ربا ہے

https://ahleqalam.tech/library/wali-dakhni/kalam-e-wali/ghazal-bari-ye/06

[1](https://ahleqalam.tech/library/wali-dakhni/kalam-e-wali/ghazal-bari-ye/06/1)

کمر اس دل ربا کی دل ربا ہے  
نگہ اس خوش ادا کی خوش ادا ہے  

[2](https://ahleqalam.tech/library/wali-dakhni/kalam-e-wali/ghazal-bari-ye/06/2)

سجن کے حسن کوں ٹک فکر سوں دیکھ  
کہ یہ آئینۂ معنی نما ہے  

[3](https://ahleqalam.tech/library/wali-dakhni/kalam-e-wali/ghazal-bari-ye/06/3)

یہ خط ہے جوہر آئینہ راز  
اسے مشک ختن کہنا بجا ہے  

[4](https://ahleqalam.tech/library/wali-dakhni/kalam-e-wali/ghazal-bari-ye/06/4)

ہوا معلوم تجھ زلفاں سوں اے شوخ  
کہ شاہ حسن پر ظل ہما ہے  

[5](https://ahleqalam.tech/library/wali-dakhni/kalam-e-wali/ghazal-bari-ye/06/5)

نہ ہووے کوہ کن کیوں آ کے عاشق  
جو وو شیریں ادا گل گوں قبا ہے  

[6](https://ahleqalam.tech/library/wali-dakhni/kalam-e-wali/ghazal-bari-ye/06/6)

نہ پوچھو آہ و زاری کی حقیقت  
عزیزاں عاشقی کا مقتضا ہے  

[7](https://ahleqalam.tech/library/wali-dakhni/kalam-e-wali/ghazal-bari-ye/06/7)

ولیؔ کوں مت ملامت کر اے واعظ  
ملامت عاشقوں پر کب روا ہے  

### جس دل ربا سوں دل کوں مرے اتحاد ہے

https://ahleqalam.tech/library/wali-dakhni/kalam-e-wali/ghazal-bari-ye/07

[1](https://ahleqalam.tech/library/wali-dakhni/kalam-e-wali/ghazal-bari-ye/07/1)

جس دل ربا سوں دل کوں مرے اتحاد ہے  
دیدار اس کا میری انکھاں کی مراد ہے  

[2](https://ahleqalam.tech/library/wali-dakhni/kalam-e-wali/ghazal-bari-ye/07/2)

رکھتا ہے بر میں دلبر رنگیں خیال کوں  
مانند آرسی کے جو صاف اعتقاد ہے  

[3](https://ahleqalam.tech/library/wali-dakhni/kalam-e-wali/ghazal-bari-ye/07/3)

شاید کہ دام عشق میں تازہ ہوا ہے بند  
وعدے پہ گل رخاں کے جسے اعتماد ہے  

[4](https://ahleqalam.tech/library/wali-dakhni/kalam-e-wali/ghazal-bari-ye/07/4)

باقی رہے گا جور و ستم روز حشر لگ  
تجھ زلف کی جفا میں نپٹ امتداد ہے  

[5](https://ahleqalam.tech/library/wali-dakhni/kalam-e-wali/ghazal-bari-ye/07/5)

مقصود دل ہے اس کا خیال اے ولیؔ مجھے  
جیوں مجھ زباں پہ نام محمد مراد ہے  

### عشق میں صبر و رضا درکار ہے

https://ahleqalam.tech/library/wali-dakhni/kalam-e-wali/ghazal-bari-ye/08

[1](https://ahleqalam.tech/library/wali-dakhni/kalam-e-wali/ghazal-bari-ye/08/1)

عشق میں صبر و رضا درکار ہے  
فکر اسباب وفا درکار ہے  

[2](https://ahleqalam.tech/library/wali-dakhni/kalam-e-wali/ghazal-bari-ye/08/2)

چاک کرنے جامۂ صبر و قرار  
دلبر رنگیں قبا درکار ہے  

[3](https://ahleqalam.tech/library/wali-dakhni/kalam-e-wali/ghazal-bari-ye/08/3)

ہر صنم تسخیر دل کیونکر سکے  
دل ربائی کوں ادا درکار ہے  

[4](https://ahleqalam.tech/library/wali-dakhni/kalam-e-wali/ghazal-bari-ye/08/4)

زلف کوں وا کر کہ شاہ عشق کوں  
سایۂ بال ہما درکار ہے  

[5](https://ahleqalam.tech/library/wali-dakhni/kalam-e-wali/ghazal-bari-ye/08/5)

رکھ قدم مجھ دیدۂ خوں بار پر  
گر تجھے رنگ حنا درکار ہے  

[6](https://ahleqalam.tech/library/wali-dakhni/kalam-e-wali/ghazal-bari-ye/08/6)

دیکھ اس کی چشم شہلا کوں اگر  
نرگس باغ حیا درکار ہے  

[7](https://ahleqalam.tech/library/wali-dakhni/kalam-e-wali/ghazal-bari-ye/08/7)

عزم اس کے وصل کا ہے اے ولیؔ  
لیکن امداد خدا درکار ہے  

### عشق بیتاب جاں گدازی ہے

https://ahleqalam.tech/library/wali-dakhni/kalam-e-wali/ghazal-bari-ye/09

[1](https://ahleqalam.tech/library/wali-dakhni/kalam-e-wali/ghazal-bari-ye/09/1)

عشق بیتاب جاں گدازی ہے  
حسن مشتاق دل نوازی ہے  

[2](https://ahleqalam.tech/library/wali-dakhni/kalam-e-wali/ghazal-bari-ye/09/2)

اشک خونیں سوں جو کیا ہے وضو  
مذہب عشق میں نمازی ہے  

[3](https://ahleqalam.tech/library/wali-dakhni/kalam-e-wali/ghazal-bari-ye/09/3)

جو ہوا راز عشق سوں آگاہ  
وو زمانے کا فخر رازی ہے  

[4](https://ahleqalam.tech/library/wali-dakhni/kalam-e-wali/ghazal-bari-ye/09/4)

پاک بازاں سوں یوں ہوا مفہوم  
عشق مضمون پاک بازی ہے  

[5](https://ahleqalam.tech/library/wali-dakhni/kalam-e-wali/ghazal-bari-ye/09/5)

جا کے پہنچی ہے حد ظلمت کوں  
بسکہ تجھ زلف میں درازی ہے  

[6](https://ahleqalam.tech/library/wali-dakhni/kalam-e-wali/ghazal-bari-ye/09/6)

تجربے سوں ہوا مجھے ظاہر  
ناز مفہوم بے نیازی ہے  

[7](https://ahleqalam.tech/library/wali-dakhni/kalam-e-wali/ghazal-bari-ye/09/7)

اے ولیؔ عیش ظاہری کا سبب  
جلوۂ شاہد مجازی ہے  

### دل طلب گار ناز مہوش ہے

https://ahleqalam.tech/library/wali-dakhni/kalam-e-wali/ghazal-bari-ye/10

[1](https://ahleqalam.tech/library/wali-dakhni/kalam-e-wali/ghazal-bari-ye/10/1)

دل طلب گار ناز مہوش ہے  
لطف اس کا اگرچہ دل کش ہے  

[2](https://ahleqalam.tech/library/wali-dakhni/kalam-e-wali/ghazal-bari-ye/10/2)

مجھ سوں کیوں کر ملے گا حیراں ہوں  
شوخ ہے بے وفا ہے سرکش ہے  

[3](https://ahleqalam.tech/library/wali-dakhni/kalam-e-wali/ghazal-bari-ye/10/3)

کیا تری زلف کیا ترے ابرو  
ہر طرف سوں مجھے کشاکش ہے  

[4](https://ahleqalam.tech/library/wali-dakhni/kalam-e-wali/ghazal-bari-ye/10/4)

تجھ بن اے داغ بخش سینہ و دل  
چمن لالہ دشت آتش ہے  

[5](https://ahleqalam.tech/library/wali-dakhni/kalam-e-wali/ghazal-bari-ye/10/5)

اے ولیؔ تجربے سوں پایا ہوں  
شعلۂ آہ شوق بے غش ہے  

### دل کوں تجھ باج بے قراری ہے

https://ahleqalam.tech/library/wali-dakhni/kalam-e-wali/ghazal-bari-ye/11

[1](https://ahleqalam.tech/library/wali-dakhni/kalam-e-wali/ghazal-bari-ye/11/1)

دل کوں تجھ باج بے قراری ہے  
چشم کا کام اشک باری ہے  

[2](https://ahleqalam.tech/library/wali-dakhni/kalam-e-wali/ghazal-bari-ye/11/2)

شب فرقت میں مونس و ہم دم  
بے قراروں کوں آہ و زاری ہے  

[3](https://ahleqalam.tech/library/wali-dakhni/kalam-e-wali/ghazal-bari-ye/11/3)

اے عزیزاں مجھے نہیں برداشت  
سنگ دل کا فراق بھاری ہے  

[4](https://ahleqalam.tech/library/wali-dakhni/kalam-e-wali/ghazal-bari-ye/11/4)

فیض سوں تجھ فراق کے ساجن  
چشم گریاں کا کام جاری ہے  

[5](https://ahleqalam.tech/library/wali-dakhni/kalam-e-wali/ghazal-bari-ye/11/5)

فوقیت لے گیا ہوں بلبل سوں  
گرچہ منصب میں دو ہزاری ہے  

[6](https://ahleqalam.tech/library/wali-dakhni/kalam-e-wali/ghazal-bari-ye/11/6)

عشق بازوں کے حق میں قاتل کی  
ہر نگہ خنجر و کٹاری ہے  

[7](https://ahleqalam.tech/library/wali-dakhni/kalam-e-wali/ghazal-bari-ye/11/7)

آتش ہجر لالہ رو سوں ولیؔ  
داغ سینے میں یادگاری ہے  

### اگر گلشن طرف وو نو خط رنگیں ادا نکلے

https://ahleqalam.tech/library/wali-dakhni/kalam-e-wali/ghazal-bari-ye/12

[1](https://ahleqalam.tech/library/wali-dakhni/kalam-e-wali/ghazal-bari-ye/12/1)

اگر گلشن طرف وو نو خط رنگیں ادا نکلے  
گل و ریحاں سوں رنگ و بو شتابی پیشوا نکلے  

[2](https://ahleqalam.tech/library/wali-dakhni/kalam-e-wali/ghazal-bari-ye/12/2)

کھلے ہر غنچۂ دل جیوں گل شاداب شادی سوں  
اگر ٹک گھر سوں باہر وو بہار دل کشا نکلے  

[3](https://ahleqalam.tech/library/wali-dakhni/kalam-e-wali/ghazal-bari-ye/12/3)

غنیم غم کیا ہے فوج بندی عشق بازاں پر  
بجا ہے آج وو راجہ اگر نوبت بجا نکلے  

[4](https://ahleqalam.tech/library/wali-dakhni/kalam-e-wali/ghazal-bari-ye/12/4)

نثار اس کے قدم اوپر کروں انجھواں کے گوہر سب  
اگر کرنے کوں دل جوئی وو سرو خوش ادا نکلے  

[5](https://ahleqalam.tech/library/wali-dakhni/kalam-e-wali/ghazal-bari-ye/12/5)

صنم آئے کروں گا نالۂ جاں سوز کوں ظاہر  
مگر اس سنگ دل سوں مہربانی کی صدا نکلے  

[6](https://ahleqalam.tech/library/wali-dakhni/kalam-e-wali/ghazal-bari-ye/12/6)

رہے مانند لعل بے بہا شاہاں کے تاج اوپر  
محبت میں جو کوئی اسباب ظاہر کوں بہا نکلے  

[7](https://ahleqalam.tech/library/wali-dakhni/kalam-e-wali/ghazal-bari-ye/12/7)

بخیلی درس کی ہرگز نہ کیجو اے پری پیکر  
ولیؔ تیری گلی میں جب کہ مانند گدا نکلے  

### آج سر سبز کوہ و صحرا ہے

https://ahleqalam.tech/library/wali-dakhni/kalam-e-wali/ghazal-bari-ye/13

[1](https://ahleqalam.tech/library/wali-dakhni/kalam-e-wali/ghazal-bari-ye/13/1)

آج سر سبز کوہ و صحرا ہے  
ہر طرف سیر ہے تماشا ہے  

[2](https://ahleqalam.tech/library/wali-dakhni/kalam-e-wali/ghazal-bari-ye/13/2)

چہرۂ یار و قامت زیبا  
گل رنگین و سرو رعنا ہے  

[3](https://ahleqalam.tech/library/wali-dakhni/kalam-e-wali/ghazal-bari-ye/13/3)

معنی حسن و معنی خوبی  
صورت یار سوں ہویدا ہے  

[4](https://ahleqalam.tech/library/wali-dakhni/kalam-e-wali/ghazal-bari-ye/13/4)

دم جاں بخش نو خطاں مج کوں  
چشمۂ خضر ہے مسیحا ہے  

[5](https://ahleqalam.tech/library/wali-dakhni/kalam-e-wali/ghazal-bari-ye/13/5)

کمر نازک و دہان صنم  
فکر باریک ہے معما ہے  

[6](https://ahleqalam.tech/library/wali-dakhni/kalam-e-wali/ghazal-bari-ye/13/6)

مو بہ مو اس کوں ہے پریشانی  
زلف مشکیں کا جس کوں سودا ہے  

[7](https://ahleqalam.tech/library/wali-dakhni/kalam-e-wali/ghazal-bari-ye/13/7)

کیا حقیقت ہے تجھ تواضع کی  
یو تلطف ہے یا مداوا ہے  

[8](https://ahleqalam.tech/library/wali-dakhni/kalam-e-wali/ghazal-bari-ye/13/8)

سبب دل ربائی عاشق  
مہر ہے لطف ہے دلاسا ہے  

[9](https://ahleqalam.tech/library/wali-dakhni/kalam-e-wali/ghazal-bari-ye/13/9)

جوں ولیؔ رات دن ہے محو خیال  
جس کوں تجھ وصل کی تمنا ہے