سنگ در دیکھ کے سر یاد آیا

سنگ در دیکھ کے سر یاد آیاکوئی دیوانہ مگر یاد آیا

پھر وہ انداز نظر یاد آیاچاک دل تا بہ جگر یاد آیا

ذوق ارباب نظر یاد آیاسجدہ بے منت سر یاد آیا

ہر تبسم پہ یہ کھاتا ہوں فریبکہ انہیں دیدۂ تر یاد آیا

پھر ترا نقش قدم ہے درکارسجدۂ راہ گزر یاد آیا

جمع کرتا ہوں غبار رہ دوستسر شوریدہ مگر یاد آیا

ہائے وہ معرکۂ ناوک نازدل بچایا تو جگر یاد آیا

آئینہ اب نہیں دیکھا جاتامیں بعنوان دگر یاد آیا

درد کو پھر ہے مرے دل کی تلاشخانہ برباد کو گھر یاد آیا

اس کو بھولے تو ہوئے ہو فانیؔکیا کروگے وہ اگر یاد آیا