بس کہ جوشِ گریہ سے زیرو زبر ویرانہ تھا

بس کہ جوشِ گریہ سے زیرو زبر ویرانہ تھاچاکِ موجِ سیل، تا پیراہنِ دیوانہ تھا

داغِ مہرِ ضبطِ بے جا مستیٔ سعیٔ سپنددودِ مجمر، لالہ ساں، دُزدِ تہِ پیمانہ تھا

وصل میں بختِ سیہ نے سنبلستاں گل کیارنگِ شب، تہ بندیٔ دودِ چراغِ خانہ تھا

شب، تری تاثیرِ سحرِ شعلۂ آواز سےتارِ شمع، آہنگِ مضرابِ پرِ پروانہ تھا

موسمِ گل میں مئے گلگوں حلالِ مے کشاںعقدِ وصلِ دختِ رز، انگور کا ہر دانہ تھا

انتظارِ جلوۂ کاکل میں شمشادِ باغصورتِ مژگاں عاشق، صرف عرضِ شانہ تھا

حیرت، اپنے نالۂ بے درد سے، غفلت بنیراہِ خوابیدہ کو غوغائے جرس افسانہ تھا

کُو بہ وقتِ قتل حقِ آشنائی، اے نگاہ!خنجرِ زہراب دادہ، سبزۂ بیگانہ تھا

جوشِ بے کیفیتی ہے اضطراب آرا، اسدؔورنہ بسمل کا تڑپنا، لغزشِ مستانہ تھا