کس کی برقِ شوخیٔ رفتار کا دلدادہ ہے

کس کی برقِ شوخیٔ رفتار کا دلدادہ ہےذرّہ ذرّہ اس جہاں کا اضطراب آمادہ ہے

ہے غرورِ سرکشی صورت نمائے عجز بھیمنقلب ہو کر بسانِ نقشِ پا افتادہ ہے

خانہ ویراں سازیٔ عشقِ جفا پیشہ نہ پوچھنامرادوں کا خطِ تقدیر تک بھی سادہ ہے

خود نشاط و سرخوشی ہے آمدِ فصلِ بہارآج ہر سیلِ رواں عالم میں موجِ بادہ ہے

زندگانی رہروِ راہِ فنا ہے اے اسدؔہر نفس ہستی سے تا ملکِ عدم اک جادہ ہے