وہ سر بام کب نہیں آتا

وہ سر بام کب نہیں آتاجب میں ہوتا ہوں تب نہیں آتا

بہر تسکیں وہ کب نہیں آتااعتبار آہ اب نہیں آتا

چپ ہے شکوؤں کی ایک بند کتاباس سے کہنے کا ڈھب نہیں آتا

ان کے آگے بھی دل کو چین نہیںبے ادب کو ادب نہیں آتا

زخم سے کم نہیں ہے اس کی ہنسیجس کو رونا بھی اب نہیں آتا

منہ کو آ جاتا ہے جگر غم سےاور گلہ تا بہ لب نہیں آتا

بھولی باتوں پہ تیری دل کو یقیںپہلے آتا تھا اب نہیں آتا

دکھ وہ دیتا ہے اس پہ ہے یہ حاللینے جاتا ہوں جب نہیں آتا

آرزوؔ بے اثر محبت چھوڑکیوں کرے کام جب نہیں آتا