ہوا جو ان کی خاموشی سے کچھ ملال مجھے

ہوا جو ان کی خاموشی سے کچھ ملال مجھےجواب دینے لگی طاقت سوال مجھے

کسی کے دل سے کسی کی نظر سے گرتا ہوںسنبھالنا ہے تو اے آسماں سنبھال مجھے

امید بوسہ ہے پھر بھی اگرچہ یہ ہے یقیںبہت ذلیل کرے گا مرا سوال مجھے

صدائے نالہ شب وصل بھی نہ دل سے گئیپکارتی تھی یہ حسرت مری نکال مجھے

پلا دے بزم میں ساقی اسے شراب اتنیوہ مست ناز کہے مجھ سے تو سنبھال مجھے

شکایتوں سے محبت کی اور کیا حاصلکچھ انفعال تمہیں ہو کچھ انفعال مجھے

اسیر حلقہ کاکل نہ میں ہوا اے داغؔمرے خدا نے بچایا ہے بال بال مجھے