عاشق کے دل میں اور تری آرزو نہ ہو

عاشق کے دل میں اور تری آرزو نہ ہواس باغ کا تو پھول ہو پھر اس میں بو نہ ہو

اے درد عشق خانہ دل گھر ترا سہیآباد یہ مکان تو جب ہو کہ تو نہ ہو

میں رنگ دیکھ کر نہ کروں گا یقیں کبھیجب تک عدو کے خون کی خنجر میں بو نہ ہو

چاک دل رقیب کی جب فکر کیجیےپہلے یہ دیکھ لیجیے پہلا رفو نہ ہو

اس فکر میں کچھ ان سے نہ ہم بات کر سکےیہ گفتگو نہ ہو کہیں وہ گفتگو نہ ہو

مجھ کو جناب شیخ کی دعوت ضرور ہےایسی کہیں شراب ملے جس میں بو نہ ہو

مٹی کی مورت اس سے تو اے داغؔ خوب ہےمعشوق کیا جو شوخ نہ ہو خوش گلو نہ ہو