دنیائے حسن و عشق میں کس کا ظہور تھا

دنیائے حسن و عشق میں کس کا ظہور تھاہر آنکھ برق پاش تھی ہر ذرہ طور تھا

میری نظر کی آڑ میں ان کا ظہور تھااللہ ان کے نور کا پردہ بھی نور تھا

تھی ہر تڑپ سکون کی دنیا لیے ہوئےپہلو میں آپ تھے کہ دل ناصبور تھا

ہم کشتگان غم پہ یہ الزام زندگیبے مہر کچھ تو پاس حقیقت ضرور تھا

بالیں پہ تم جب آئے تو آئی وہ موت بھیجس موت کے لیے مجھے جینا ضرور تھا

تھی ان کے روبرو بھی وہی شان اضطرابدل کو بھی اپنی وضع پہ کتنا غرور تھا

لطف حیات بے خلش مدعا کہاںیعنی بقدر تلخئ صہبا سرور تھا

اٹھ کر چلے تو حشر بھی اٹھنا تھا کیا ضروران کی گلی سے مدفن فانیؔ تو دور تھا