خود آرا وحشتِ چشمِ پری سے شب وہ بد خو تھا

خود آرا وحشتِ چشمِ پری سے شب وہ بد خو تھاکہ موم، آئینۂ تمثال کو تعویذ بازو تھا

بہ شیرینیٔ خواب آلودہ مژگاں، نشترِ زنبورخود آرائی سے، آئینہ، طلسمِ مومِ جادو تھا

نہیں ہے باز گشتِ سیل غیر از جانبِ دریاہمیشہ دیدۂ گریاں کو، آبِ رفتہ در جو تھا

رہا نظارہ وقتِ بے نقابی، آپ پر لرزاںسرشک آگیں مژہ سے، دست از جاں شستہ برو تھا

غمِ مجنوں، عزادارانِ لیلیٰ کا پرستش گرخمِ رنگِ سیاہ، پیمانہ ہر چشمِ آہو تھا

رکھا غفلت نے دور افتادہ، ذوقِ فنا ورنہاشارت فہم کو، ہر ناخنِ بریدہ، ابرو تھا

اسدؔ خاکِ درِ مے خانہ اب سر پر اڑاتا ہوںگئے وہ دن کہ پانی، جامِ مے سے زانو زانو تھا