مرگِ شیریں ہو گئی تھی کوہ کن کی فکر میں

مرگِ شیریں ہو گئی تھی کوہ کن کی فکر میںتھا، حریرِ سنگ سے، قطعِ کفن کی فکر میں

فرصتِ یک چشمِ حیرت، شش جہت آغوش ہےہوں سپند آسا وداعِ انجمن کی فکر میں

وہ غریبِ وحشت آبادِ تسلی ہوں، جسےکوچہ دے ہے زخمِ دل، صبحِ وطن کی فکر میں

سایۂ گل داغ و جوشِ نکہتِ گل موجِ دُودرنگ کی گرمی ہے تاراجِ چمن کی فکر میں

فالِ ہستی، خار خارِ وحشتِ اندیشہ ہےشوخیٔ سوزن ہے ساماں پیرہن کی فکر میں

غفلتِ دیوانہ، جز تمہیدِ آگاہی نہیںمغزِ سر، خوابِ پریشاں ہے، سخن کی فکر میں

مجھ میں اور مجنوں میں، وحشت سازِ دعویٰ ہے، اسدؔبرگ برگِ بید ہے ناخن زدن کی فکر میں