جادۂ رہ خُور کو وقتِ شام ہے تارِ شعاع

جادۂ رہ خُور کو وقتِ شام ہے تارِ شعاعچرخ وا کرتا ہے ماہِ نو سے آغوشِ وداع

شمع سے ہے، بزم انگشتِ تحیر در دہنشعلۂ آوازِ خوباں پر بہ ہنگامِ سماع

جوں پرِ طاؤس، جوہر، تختہ مشقِ رنگ ہےبس کہ ہے وہ قبلۂ آئینہ محوِ اختراع

رنجشِ حیرت سرشتاں، سینہ صافی پیشکشجوہرِ آئینہ ہے یاں، گردِ میدانِ نزاع

چار سوئے دہر میں بازارِ غفلت گرم ہےعقل کے نقصان سے اُٹھتا ہے خیال انتفاع

آشنا، غالبؔ، نہیں ہیں دردِ دل کے آشناورنہ کس کو میرے افسانے کی تابِ استماع؟