از مہر تا بہ ذرّہ دل و دل ہے آئینہ

از مہر تا بہ ذرّہ دل و دل ہے آئینہطُوطی کو شَش جہت سے مقابل ہے آئینہ

حیرت، ہجوم لذتِ غلطانیٔ تپشسیماب بالش، و کمرِ دل ہے آئینہ

غفلت، بہ بالِ جوہرِ شمشیرِ پَر فشاںیاں پشتِ چشمِ شوخیٔ قاتل ہے آئینہ

حیرت نگاہ برق، تماشا بہار شوخدر پردۂ ہوا پرِ بسمل ہے آئینہ

یاں رہ گئے ہیں ناخنِ تدبیر ٹوٹ کرجوہرِ طلسمِ عقدۂ مشکل ہے آئینہ

ہم زانوئے تامل و ہم جلوہ گاہِ گلآئینہ بندِ خلوت و محفل ہے آئینہ

دل کار گاہِ فکر و اسدؔ بے نوائے دلیاں سنگِ آستانۂ بیدل ہے آئینہ