عشق تاثیر سے نومید نہیں

عشق تاثیر سے نومید نہیںجاں سپاری شجرِ بید نہیں

سلطنت دست بہ دَست آئی ہےجامِ مے خاتمِ جمشید نہیں

ہے تجلی تری سامانِ وجودذرّہ بے پرتوِ خورشید نہیں

رازِ معشوق نہ رسوا ہو جائےورنہ مر جانے میں کچھ بھید نہیں

گردشِ رنگِ طرب سے ڈر ہےغمِ محرومیٔ جاوید نہیں

کہتے ہیں جیتے ہیں اُمّید پہ لوگہم کو جینے کی بھی امّید نہیں

مے کشی کو نہ سمجھ بے حاصلبادہ، غالبؔ! عرقِ بید نہیں