جوں شمع ہم اک سوختہ سامانِ وفا ہیں

جوں شمع ہم اک سوختہ سامانِ وفا ہیںاُور اس کے سواکچھ نہیں معلوم کہ کیا ہیں

اک سرحدِ معدوم میں ہستی ہے ہماریسازِ دل بشکستہ کی بے کار صدا ہیں

جس رخ پہ ہوں ہم، سجدہ اسی رخ پہ ہے واجبگو قبلہ نہیں ہیں مگر اک قبلہ نما ہیں

مت ہوجیو اے سیلِ فنا ان سے مقابلجانبازِ الم نقش بہ دامانِ بقا ہیں

پایٔ ہے جگہ ناصیۂ بادِ صبا پرخاکستر پروانۂ جانبازِ فنا ہیں

ہر حال میں ہیں مرضیٔ صیّاد کے تابعہم طائرِ پر سوختہ رشتہ بہ پا ہیں

اے وہم طرازانِ مجازی و حقیقیعشّاق فریبِ حق و باطل سے جدا ہیں

ہم بے خودیٔ شوق میں کرلیتے ہیں سجدےیہ ہم سے نہ پوچھو کہ کہاں ناصیہ سا ہیں

اب منتظرِ شوقِ قیامت نہیں غالبؔدنیا کے ہر ذرّے میں سو حشر بپا ہیں