پکڑی کسی سے جاوے نسیم اور صبا بندھے

پکڑی کسی سے جاوے نسیم اور صبا بندھےمولیٰ کرے کچھ اپنی بھی اب تو ہوا بندھے

عاشق کو بوغ بند میں باندھا ہے اس نے یوںتا ہو کے دست بقچہ میں جیسے قبا بندھے

یوں دود آہ کا مری گنبد بندھا ہے یاںچھت جیسے ابر تیرہ کی تحت السما بندھے

ٹک عالم اے جنوں تو دکھا وہ کہ جس سے صافلاہوت کا سماں مری آنکھوں میں آ بندھے

سرما گھلا کے آنکھوں میں نکلا نہ کیجئےایسا نہ ہو کہ آپ پہ کچھ توتیا بندھے

قدرت خدا کے دیکھو کہ چوری تو ہم کریںاور الٹے دست گیر ہو دزد حنا بندھے

الجھیڑے میں پھنسے تھے تری زلف کے سو وہالٹے ٹنگے اسیر ہوئے بارہا بندھے

انشاؔ صد آفریں ترے ذہن سلیم کومضموں زیادہ اس سے بھلا اور کیا بندھے