بادام دو جو بھیجے ہیں بٹوے میں ڈال کر

بادام دو جو بھیجے ہیں بٹوے میں ڈال کرایماں یہ ہے کہ بھیج دے آنکھیں نکال کر

دل سینے میں کہاں ہے نہ تو دیکھ بھال کراے آہ کہہ دے تیر کا نامہ نکال کر

اترے گا ایک جام بھی پورا نہ چاک سےخاک دل شکستہ نہ صرف کلال کر

لے کر بتوں نے جان جب ایماں پہ ڈالا ہاتھدل کیا کنارے ہو گیا سب کو سنبھال کر

تصویر ان کی حضرت دل کھینچ لیجے گررکھ دیں گے ہم بھی پاؤں پہ آنکھیں نکال کر

قاتل ہے کس مزے سے نمک پاش زخم دلبسمل ذرا تڑپ کے نمک تو حلال کر

دل کو رفیق عشق میں اپنا سمجھ نہ ذوقؔٹل جائے گا یہ اپنی بلا تجھ پہ ٹال کر