جو دل ساتھ چھٹنے سے گھبرا رہا ہے

جو دل ساتھ چھٹنے سے گھبرا رہا ہےوہ چھٹتا نہیں اور پاس آ رہا ہے

ہمیشہ کو پھولے پھلے گا یہ گلشنابھی دیکھنے کو تو مرجھا رہا ہے

ہر اک شام کہتی ہے پھر صبح ہوگیاندھیرے میں سورج نظر آ رہا ہے

بڑھی جا رہی ہے اگر دھوپ آگےتو سایہ بھی دوڑا چلا جا رہا ہے

ستارے بنیں گے چمک دار آنسویہ رونا ہنسی کی خبر لا رہا ہے

اگر دکھ نہیں ہے نہیں پھر ہے سکھ بھیزمانہ یہ پہچان بتلا رہا ہے

تھکن آرزوؔ کہتی ہے راستے کیکہ آرام بھی ساتھ ساتھ آ رہا ہے