تسکین دل کا یہ کیا قرینہ

تسکین دل کا یہ کیا قرینہروکوں جو نالہ پھٹ جائے سینہ

بڑھتی امنگیں کیا پر بنیں گیہے کس ہوا میں دل کا سفینہ

ہیں کیا معمہ یہ آگ پانیپیتا ہوں آنسو جلتا ہے سینہ

غم تجھ کو پیارا تو مجھ کو پیاریدل کی تمنا نازک حسینہ

آج اس نے آنسو ہنس ہنس کے پونچھےخشکی میں ابھرا ڈوبا سفینہ

تاریخ دل کی خود نقش دل ہےکھا کھا کے چوٹیں چٹکا نگینہ

ٹوٹا ہوا دل الفت بھرا تھاڈھا کر عمارت پایا دفینہ

حد خرد سے ذات اس کی برتراونچی ہے منزل نیچا ہے زینہ

تم آرزوؔ ہو تم آرزوؔ ہوپھر کیسی رنجش پھر کیسا کینہ