رقص مستی دیکھتے جوش تمنا دیکھتے

رقص مستی دیکھتے جوش تمنا دیکھتےسامنے لا کر تجھے اپنا تماشا دیکھتے

کم سے کم حسن تخیل کا تماشا دیکھتےجلوۂ یوسف تو کیا خواب زلیخا دیکھتے

کچھ سمجھ کر ہم نے رکھا ہے حجاب دہر کوتوڑ کر شیشے کو پھر کیا رنگ صہبا دیکھتے

روز روشن یا شب مہتاب یا صبح چمنہم جہاں سے چاہتے وہ روئے زیبا دیکھتے

قلب پر گرتی تڑپ کر پھر وہی برق جمالہر بن مو میں وہی آشوب و غوغا دیکھتے

صد زماں و صد مکاں و ایں جہاں و آں جہاںتم نہ آ جاتے تو ہم وحشت میں کیا کیا دیکھتے

اس طرح کچھ رنگ بھر جاتا نگاہ شوق میںجلوہ خود بیتاب ہو جاتا وہ پردا دیکھتے

جن کو اپنی شوخیوں پر آج اتنا ناز ہےوہ کسی دن میری جان ناشکیبا دیکھتے

مے کدے میں زندگی ہے شور نوشا نوش ہےمٹ گئے ہوتے اگر ہم جام و مینا دیکھتے