ہے دل ناکام عاشق میں تمہاری یاد بھی

ہے دل ناکام عاشق میں تمہاری یاد بھییہ بھی کیا گھر ہے کہ ہے برباد بھی آباد بھی

دل کے مٹنے کا مجھے کچھ اور ایسا غم نہیںہاں مگر اتنا کہ ہے اس میں تمہاری یاد بھی

کس کو یہ سمجھایئے نیرنگ کار عاشقیتھم گئے اشک مسلسل رک گئی فریاد بھی

سینے میں درد محبت راز بن کر رہ گیااب وہ حالت ہے کہ کر سکتے نہیں فریاد بھی

پھاڑ ڈالوں گا گریباں پھوڑ لوں گا اپنا سرہے مرے آفت کدے میں قیس بھی فرہاد بھی

کچھ تو اصغرؔ مجھ میں ہے قائم ہے جس سے زندگیجان بھی کہتے ہیں اس کو اور ان کی یاد بھی