وہ زمانہ نظر نہیں آتا

وہ زمانہ نظر نہیں آتاکچھ ٹھکانا نظر نہیں آتا

جان جاتی دکھائی دیتی ہےان کا آنا نظر نہیں آتا

عشق درپردہ پھونکتا ہے آگیہ جلانا نظر نہیں آتا

اک زمانہ مری نظر میں رہااک زمانہ نظر نہیں آتا

دل نے اس بزم میں بٹھا تو دیااٹھ کے جانا نظر نہیں آتا

رہیے مشتاق جلوۂ دیدارہم نے مانا نظر نہیں آتا

لے چلو مجھ کو راہروان عدمیاں ٹھکانا نظر نہیں آتا

دل پہ بیٹھا کہاں سے تیر نگاہیہ نشانہ نظر نہیں آتا

تم ملاؤگے خاک میں ہم کودل ملانا نظر نہیں آتا

آپ ہی دیکھتے ہیں ہم کو تودل کا آنا نظر نہیں آتا

دل پر آرزو لٹا اے داغؔوہ خزانہ نظر نہیں آتا