ایک طوفاں ہے غم عشق میں رونا کیا ہے

ایک طوفاں ہے غم عشق میں رونا کیا ہےنہیں معلوم کہ انجام کو ہونا کیا ہے

دیکھ کر سانولی صورت تری یوسف بھی کہےچٹپٹا حسن نمک دار سلونا کیا ہے

چار باتیں بھی کبھی آپ نے گھل مل کے نہ کیںانہیں باتوں کا ہے رونا مجھے رونا کیا ہے

کاش مل جائے ترا سایۂ دیوار ہمیںاوڑھنا کیا ہے فقیروں کا بچھونا کیا ہے

اس کی ٹھوکر سے بھی کم بخت نہ جاگا افسوسموت ہے داغؔ سیہ مست کا سونا کیا ہے