دل چرا کر نظر چرائی ہے

دل چرا کر نظر چرائی ہےلٹ گئے لٹ گئے دہائی ہے

ایک دن مل کے پھر نہیں ملتےکس قیامت کی یہ جدائی ہے

اے اثر کر نہ انتظار دعامانگنا سخت بے حیائی ہے

میں یہاں ہوں وہاں ہے دل میرانارسائی عجب رسائی ہے

اس طرح اہل ناز ناز کریںبندگی ہے کہ یہ خدائی ہے

پانی پی پی کے توبہ کرتا ہوںپارسائی سی پارسائی ہے

وعدہ کرنے کا اختیار رہابات کرنے میں کیا برائی ہے

کب نکلتا ہے اب جگر سے تیریہ بھی کیا تیری آشنائی ہے

داغؔ ان سے دماغ کرتے ہیںنہیں معلوم کیا سمائی ہے