چھک گئے ہیں آج اک ساغر سے ہم

چھک گئے ہیں آج اک ساغر سے ہمہاتھ دھو بیٹھے مئے کوثر سے ہم

بت کدہ میں جا کے اس بت کا پتہپوچھتے پھرتے ہیں ہر پتھر سے ہم

قصد صحرا ہے دل ویراں کے ساتھاک بیاباں لے چلے ہیں گھر سے ہم

جب رگ جاں سے کمی کرتا ہے خونچھیڑ دیتے ہیں اسے نشتر سے ہم

کس قدر کٹتی ہے راہ شوق جلدتیز چلتے ہیں ترے خنجر سے ہم

کیا کہیں کس سے کہیں کس کے لیےپھرتے ہیں چاروں طرف مضطر سے ہم

وہ ستم گر روبرو ہوگا تو داغؔکیا کہیں گے داور محشر سے ہم