کب بات ہو بغیر خوشامد وہاں درست

کب بات ہو بغیر خوشامد وہاں درستوہ نادرست بھی جو کہیں کہیے ہاں درست

تھوڑے سے دن بہار کے ہیں کس امید پرکرتے ہیں اپنے مرغ چمن آشیاں درست

کچھ میں بھی اپنا حال طبیعت بیاں کروںگر ہو مزاج آپ کا اے مہرباں درست

اس کو درستی دل عاشق سے کیا غرضجس بد زبان کی نہیں اب تک زباں درست

آنکھوں میں رہ کہ دل میں ٹھہر تیرے واسطےآراستہ ہر ایک مکاں ہر مکاں درست

ہر روز تازیانہ زلف دراز سےتو نے بھی دل کو خوب کیا میری جاں درست

آتا ہے سامنے جو وہ غارت گر شکیباوسان داغؔ رہتے ہیں اپنے کہاں درست