بے درد سر بہ سجدۂ الفت فرو نہ ہو

بے درد سر بہ سجدۂ الفت فرو نہ ہوجوں شمع غوطہ داغ میں کھا، گر وضو نہ ہو

دل دے کفِ تغافلِ ابروئے یار میںآئینہ ایسے طاق پہ گم کر کہ تو نہ ہو

زلفِ خیال نازک و اظہار بے قراریا رب، بیان شانہ کشِ گفتگو نہ ہو

تمثالِ ناز، جلوۂ نیرنگِ اعتبارہستی عدم ہے، آئینہ گر روبرو نہ ہو

مژگاں خلیدۂ رگِ ابرِ بہار ہےنشتر بہ مغز، پنبۂ مینا فرو نہ ہو

عرضِ نشاطِ دید ہے، مژگانِ انتظاریا رب کہ خارِ پیرہنِ آرزو نہ ہو

واں پر فشانِ دامِ نظر ہوں جہاں، اسدؔصبحِ بہار بھی، قفسِ رنگ و بو نہ ہو