بہارِ تعزیت آبادِ عشق، ماتم ہے

بہارِ تعزیت آبادِ عشق، ماتم ہےکہ تیغِ یار، ہلالِ مہِ محرم ہے

نہ پُوچھ نسخۂ مرہم جراحتِ دل کاکہ اِس میں ریزۂ الماس جزوِ اعظم ہے

بہت دنوں میں تغافل نے تیرے پیدا کیوہ اِک نگہ کہ، بظاہر نگاہ سے کم ہے

بہ رہنِ ضبط ہے، آئینہ بندیٔ گوہروگرنہ بحر میں ہر قطرہ چشمِ پُر نم ہے

چمن میں کون ہے طرز آفرینِ شیوۂ عشق؟کہ گل ہے بلبلِ رنگین و بیضہ شبنم ہے

اگر نہ ہو وے رگِ خواب صرفِ شیرازہتمام دفترِ ربطِ مزاج، درہم ہے

اسدؔ بہ نازکیٔ طبعِ آرزو انصاف!کہ ایک وہمِ ضعیف و غمِ دو عالم ہے