سیہ کار تھے باصفا ہو گئے ہم

سیہ کار تھے باصفا ہو گئے ہمترے عشق میں کیا سے کیا ہو گئے ہم

نہ جانا کہ شوق اور بھڑکے گا میراوہ سمجھے کہ اس سے جدا ہو گئے ہم

دم واپسیں آئے پرسش کو ناحقبس اب جاؤ تم سے خفا ہو گئے ہم

ہوئے محو کس کی تمنا میں ایسےکہ مستغنئ ماسوا ہو گئے ہم

انہیں رنج اب کیوں ہوا ہم تو خوش ہیںکہ مر کر شہید وفا ہو گئے ہم

جب ان سے ادب نے نہ کچھ منہ سے مانگاتو اک پیکر التجا ہو گئے ہم

تری فکر کا مبتلا ہو گیا دلمگر قید غم سے رہا ہو گئے ہم

فنا ہو کے راہ محبت میں حسرتؔسزاوار خلد بقا ہو گئے ہم