ہر حقیقت کو بانداز تماشا دیکھا

ہر حقیقت کو بانداز تماشا دیکھاخوب دیکھا ترے جلووں کو مگر کیا دیکھا

جستجو میں تری یہ حاصل سودا دیکھاایک اک ذرہ کا آغوش طلب وا دیکھا

آئینہ خانۂ عالم میں کہیں کیا دیکھاتیرے دھوکے میں خود اپنا ہی تماشا دیکھا

ہم نے ایسا نہ کوئی دیکھنے والا دیکھاجو یہ کہہ دے کہ ترا حسن سراپا دیکھا

دل آگاہ میں کیا کہیے جگرؔ کیا دیکھالہریں لیتا ہوا اک قطرے میں دریا دیکھا

کوئی شائستہ و شایان غم دل نہ ملاہم نے جس بزم میں دیکھا اسے تنہا دیکھا