رکھتے ہیں خضر سے نہ غرض رہ نما سے ہم

رکھتے ہیں خضر سے نہ غرض رہ نما سے ہمچلتے ہیں بچ کے دور ہر اک نقش پا سے ہم

مانوس ہو چلے ہیں جو دل کی صدا سے ہمشاید کہ جی اٹھے تری آواز پا سے ہم

یا رب نگاہ شوق کو دے اور وسعتیںگھبرا اٹھے جمال جہت آشنا سے ہم

مخصوص کس کے واسطے ہے رحمت تمامپوچھیں گے ایک دن یہ کسی پارسا سے ہم

او مست ناز حسن تجھے کچھ خبر بھی ہےتجھ پر نثار ہوتے ہیں کس کس ادا سے ہم

یہ کون چھا گیا ہے دل و دیدہ پر کہ آجاپنی نظر میں آپ ہیں ناآشنا سے ہم