شب درد و غم سے عرصہ مرے جی پہ تنگ تھا

شب درد و غم سے عرصہ مرے جی پہ تنگ تھاآیا شب فراق تھی یا روز جنگ تھا

کثرت میں درد و غم کی نہ نکلی کوئی تپشکوچہ جگر کے زخم کا شاید کہ تنگ تھا

لایا مرے مزار پہ اس کو یہ جذب عشقجس بے وفا کو نام سے بھی میرے ننگ تھا

دیکھا ہے صید گا میں ترے صید کا جگربا آنکہ چھن رہا تھا پہ ذوق خدنگ تھا

دل سے مرے لگا نہ ترا دل ہزار حیفیہ شیشہ ایک عمر سے مشتاق سنگ تھا

مت کر عجب جو میرؔ ترے غم میں مر گیاجینے کا اس مریض کے کوئی بھی ڈھنگ تھا