رنج کھینچے تھے داغ کھائے تھے

رنج کھینچے تھے داغ کھائے تھےدل نے صدمے بڑے اٹھائے تھے

پاس ناموس عشق تھا ورنہکتنے آنسو پلک تک آئے تھے

وہی سمجھا نہ ورنہ ہم نے توزخم چھاتی کے سب دکھائے تھے

اب جہاں آفتاب میں ہم ہیںیاں کبھو سرو و گل کے سائے تھے

کچھ نہ سمجھے کہ تجھ سے یاروں نےکس توقع پہ دل لگائے تھے

فرصت زندگی سے مت پوچھوسانس بھی ہم نہ لینے پائے تھے

میرؔ صاحب رلا گئے سب کوکل وے تشریف یاں بھی لائے تھے