ڈھونڈا نہ پائیے جو اس وقت میں سو زر ہے

ڈھونڈا نہ پائیے جو اس وقت میں سو زر ہےپھر چاہ جس کی مطلق ہے ہی نہیں ہنر ہے

ہر دم قدم کو اپنے رکھ احتیاط سے یاںیہ کار گاہ ساری دکان شیشہ گر ہے

ڈھایا جنوں نے اس کو ان پر خرابی آئیجانا گیا اسی سے دل بھی کسو کا گھر ہے

تجھ بن شکیب کب تک بے فائدہ ہوں نالاںمجھ نالہ کش کے تو اے فریاد رس کدھر ہے

صید افگنو ہمارے دل کو جگر کو دیکھواک تیر کا ہدف ہے اک تیغ کا سپر ہے

اہل زمانہ رہتے اک طور پر نہیں ہیںہر آن مرتبے سے اپنے انہیں سفر ہے

کافی ہے مہر قاتل محضر پہ خوں کے میرےپھر جس جگہ یہ جاوے اس جا ہی معتبر ہے

تیری گلی سے بچ کر کیوں مہر و مہ نہ نکلیںہر کوئی جانتا ہے اس راہ میں خطر ہے

وے دن گئے کہ آنسو روتے تھے میرؔ اب توآنکھوں میں لخت دل ہے یا پارۂ جگر ہے