تاب دل صرف جدائی ہو چکی

تاب دل صرف جدائی ہو چکییعنی طاقت آزمائی ہو چکی

چھوٹتا کب ہے اسیر خوش زباںجیتے جی اپنی رہائی ہو چکی

آگے ہو مسجد کے نکلی اس کی راہشیخ سے اب پارسائی ہو چکی

درمیاں ایسا نہیں اب آئینہمیرے اس کے اب صفائی ہو چکی

ایک بوسہ مانگتے لڑنے لگےاتنے ہی میں آشنائی ہو چکی

بیچ میں ہم ہی نہ ہوں تو لطف کیارحم کر اب بے وفائی ہو چکی

آج پھر تھا بے حمیت میرؔ واںکل لڑائی سی لڑائی ہو چکی