ز بس خوں گشتۂ رشکِ وفا تھا وہم بسمل کا

ز بس خوں گشتۂ رشکِ وفا تھا وہم بسمل کاچرایا زخم ہائے دل نے پانی تیغِ قاتل کا

نگاہِ چشمِ حاسد وام لے، اے ذوقِ خود بینیتماشائی ہوں، وحدت خانۂ آئینۂ دل کا

شرر فرصت نگہ، سامانِ یک عالم چراغاں ہےبہ قدرِ رنگ یاں گردش میں ہے پیمانہ محفل کا

سراسر تاختن کو، شش جہت یک عرصہ جولاں تھاہوا واماندگی سے رہرواں کی، فرق منزل کا

سراپا رہنِ عشق و ناگزیرِ الفتِ ہستیعبادت برق کی کرتا ہوں اور افسوس حاصل کا

بہ قدرِ ظرف ہے ساقی! خمارِ تشنہ کامی بھیجو تو دریائے مے ہے، تو میں خمیازہ ہوں ساحل کا

مجھے راہِ سخن میں خوفِ گمراہی نہیں غالبؔعصائے خضرِ صحرائے سخن ہے، خامہ بیدلؔ کا