جنوں تہمت کشِ تسکیں نہ ہو گر شادمانی کی

جنوں تہمت کشِ تسکیں نہ ہو گر شادمانی کینمک پاشِ خراشِ دل ہے لذّت زندگانی کی

کشاکش‌ ہائے ہستی سے کرے کیا سعیٔ آزادیہوئی زنجیر موجِ آب کو فرصت روانی کی

پس از مُردن بھی دیوانہ زیارت گاہِ طفلاں ہےشرارِ سنگ نے تربت پہ میری گل فشانی کی

نہ کھینچ اے دستِ سعیٔ نا رسا زلفِ تمنّا کوپریشاں تر ہے موئے خامہ سے تدبیر مانیؔ کی

کماں ہم بھی رگ و پے رکھتے ہیں، انصاف بہتر ہےنہ کھینچے طاقتِ خمیازہ تہمت ناتوانی کی

تکلف بر طرف، فرہاد اور اتنی سبک دستیخیال آساں تھا، لیکن خوابِ خسرو نے گرانی کی

اسدؔ کو بوریے میں دھر کے پھونکا موجِ ہستی نےفقیری میں بھی باقی ہے شرارت نوجوانی کی