تنِ بہ بندِ ہوس در نہ دادہ رکھتے ہیں

تنِ بہ بندِ ہوس در نہ دادہ رکھتے ہیںدلِ زکارِ جہاں اوفتادہ رکھتے ہیں

تمیزِ زشتی و نیکی میں لاکھ باتیں ہیںبہ عکسِ آئینہ یک فردِ سادہ رکھتے ہیں

بہ رنگِ سایہ ہمیں بندگی میں ہے تسلیمکہ داغِ دل بہ جبینِ کشادہ رکھتے ہیں

بہ زاہداں، رگِ گردن، ہے رشتۂ زنارسرِ بپائے بتے نا نہادہ رکھتے ہیں

معافِ بیہُدہ گوئی ہیں ناصحانِ عزیزدلے بہ دستِ نگارے نہ دادہ رکھتے ہیں

بہ رنگِ سبزہ، عزیزانِ بد زباں یک دستہزار تیغ بہ زہراب دادہ رکھتے ہیں

ادب نے سونپی ہمیں سرمہ سائیٔ حیرتزبانِ بستہ و چشمِ کشادہ رکھتے ہیں

زمانہ سخت کم آزار ہے، بہ جانِ اسدؔوگرنہ ہم تو توقُّع زیادہ رکھتے ہیں