غفلت میں ہوئی اوقات بسر اے عمر گریزاں کچھ نہ کیا

غفلت میں ہوئی اوقات بسر اے عمر گریزاں کچھ نہ کیاسب چلنے کے تھے سامان بہم چلنے ہی کا ساماں کچھ نہ کیا

واعظ نے بھرے خم چور کئے تر کر دی زمیں اے پیر مغاںظالم نے ذرا بھی تیرا لحاظ اے رہبر ایماں کچھ نہ کیا

اعمال کی زشتی کا بدلا میں کہہ نہیں سکتا کیا ملتابھیجا بھی اگر دوزخ میں تجھے اے صاحب ایماں کچھ نہ کیا

مے پینے کا دل میں جوش نہ تھا ظاہر کی طلب تھی ہوش میں آساقی نے ملایا زہر اگر اے منکر احساں کچھ نہ کیا

مانا کہ بڑی سفاک ہے تو بالفرض بڑی جلاد ہے تومیں جیتا رہا تا صبح اگر تو اے شب ہجراں کچھ نہ کیا

تکلیف کسی کو گر پہونچی تو اس میں تکلف کیا نکلاحیران جو رکھا قاتل کو تو اے شب ہجراں کچھ نہ کیا

الٹا نہ عراق و شام و حلب دنیا نہ ہوئی ویران تو کیاجل تھل نہ لہو سے تو نے بھرا تو خون مسلماں کچھ نہ کیا

سنتا ہوں عدو کو خاک کیا مٹی میں ملایا گھر اس کاپھونکا نہ جلا کر مجھ کو اگر تو اے شب ہجراں کچھ نہ کیا

کیا جی کے کروں گا میں تنہا یاں تاب کہاں باقی دل کوبے موت کے اب مارا نہ مجھے تو داغ عزیزاں کچھ نہ کیا

جنبش سے تری مقتل ہوتا اک آن میں دشت کرب و بلاعشاق کی بے باکی کا عوض اے ابروئے براں کچھ نہ کیا

اے ننگ جہاں اے شادؔ بتا کچھ شرم بھی تجھ کو ہے کہ نہیںاے جہل مرکب اے حیواں اے بے خبر انساں کچھ نہ کیا